O‘zbekiston Prezidenti Shavkat Mirziyoyev 27-iyun kuni “Elektr energiyasi va tabiiy gazni nazorat qilish va hisoblashning avtomatlashtirilgan tizimini yanada joriy etish bo‘yicha takliflarni tayyorlash chora-tadbirlari to‘g‘risida” farmoyish imzoladi.
Unga muvofiq, O‘zbekistonda elektr energiyasi va tabiiy gazni nazorat qilish va hisoblashning avtomatlashtirilgan tizimini joriy etish bo‘yicha takliflarni tayyorlash bilan shug‘ullanuvchi ishchi komissiya tuziladi. Komissiyaga Bosh vazir o‘rinbosari Jamshid Qo‘chqorov rahbarlik qiladi.
Komissiya xorij tajribasini o‘rganib, hisoblashning yagona tizimga integratsiya qilinadigan avtomatlashtirilgan tizimlari va asboblarining yagona normativ-texnik talablari, davlat standartlarini belgilash bo‘yicha takliflarni ishlab chiqadi.
O‘rganish natijalari asosida O‘zbekistonda avtomatlashtirilgan tizimlarni joriy qilish konsepsiyasini ishlab chiqish rejalashtirilmoqda.
O‘zbekiston rahbariyati elektr energiyasi va gazni hisoblash zamonaviy elektron asboblarini, ularga bog‘liq uskuna va dasturiy mahsulotlarni chet ellik sheriklar ishtirokida ishlab chiqarishni mahalliylashtirish bo‘yicha loyihalarni amalga oshirishni rejalashtirmoqda.
Izoh (0)