Колумбия шимоли-ғарбида сайр кемаси чўкиши қурбонлари сони 9 кишига етди. Бу ҳақда ҳодиса рўй берган Антиока департаменти расмийлари маълум қилди, дея хабар беради «Ведомости».
Олдинроқ кема ҳалокатида 3 киши ўлгани билдирилганди.
Гуатапе сайёҳлик маркази яқинида чўкиб кетган кеманинг 30 дан ортиқ йўловчиси бедарак йўқолди. 100 га яқин йўловчи қутқарилди, улардан 21 нафари жароҳат олди.
Ижтимоий тармоқларда жойлаштирилган видеолавҳаларда одамлар билан тўлиб-тошган кема чўкишдан аввал тебрана бошлаганини кўриш мумкин. Унинг йўловчиларидан бири Лорена Салазар кема бортида қутқарув нимчалари бўлмаганини билдирди.