Associated Press’нинг хабар қилишича, Покистонда ағдарилиб кетган ёқилғи цистернасининг ёниб кетиши оқибатида ҳалок бўлганлар сони 157 кишига етди. Шифокорларнинг сўзларига кўра, яна 50 киши жуда оғир аҳволда.
Ҳодиса Панжоб вилоятида 25 июнь, якшанба куни эрталаб юз берган. Маҳаллий аҳоли йўлда ағдарилиб кетган цистернадан оқиб чиқаётган ёқилғини идишларга қуйиб олмоқчи бўлаётган вақтда ёнғин бошланган ва портлаш юз берган.
Жароҳатланганларнинг аксариятида тананинг 80 фоизидан ортиғи куйган. Таъкидланишича, ёнғиннинг баъзи қурбонларини танишнинг иложи йўқ, уларнинг шахсини аниқлаш учун генетик экспертиза талаб қилинади.
Изоҳ (0)