Ўзбекистон Республикаси ташқи ишлар вазири Абдулазиз Комилов Покистон Ислом Республикасининг фавқулодда ва мухтор элчиси Риаз Ҳусайн Бухорийни қабул қилди. Бу ҳақда Ўзбекистон ТИВ матбуот хизмати хабар бермоқда.
Учрашувда Остона шаҳрида бўлиб ўтган ШҲТ саммитида иштирок этган Ўзбекистон Президенти Шавкат Мирзиёев ва Покистон бош вазири Муҳаммад Навоз Шарифнинг учрашувида эришилган келишувларни амалга ошириш нуқтайи назаридан Ўзбекистон—Покистон муносабатларини янада ривожлантиришнинг устувор йўналишлари муҳокама қилинди.
Томонлар Покистон тўлақонли аъзо сифатида қабул қилинган ШҲТ форматида ҳамкорликни мустаҳкамлаш тарафдори эканлигини тасдиқлади.
Вазир тўрт йиллик дипломатик фаолиятини якунлаётган элчининг мамлакатдаги самарали меҳнати ва унинг Ўзбекистон билан Покистон ўртасидаги кўп қиррали алоқаларни мустаҳкамлашга қўшган шахсий ҳиссасини қайд этди.
Ўз навбатида, Риаз Ҳусайн Бухорий Тошкентдаги дипломатик миссия раҳбаридек юқори ва масъулиятли лавозимдаги фаолиятини қўллаб-қувватлагани учун Ўзбекистон раҳбариятига миннатдорлик изҳор этди.
Изоҳ (0)