Бош кўчириб ўтказиш операцияси билан боғлиқ шов-шувдан тўрт йил ўтиб, россиялик дастурчи операция қилинмаслиги маълум бўлди. 2017 йил декабрида Валерий Спиридоновнинг бошини янги танага кўчириб ўтказиш режалаштирилаётган эди, бунга 15 миллион долларга яқин маблағ талаб этилади. «MK.ru» операция бўлиб ўтмаслигидан хабар топди.
Шифокор Сержио Канаверо хитойлик бемор фойдасига россияликдан воз кечди. Тахминларга кўра, тажриба сифатида операция қилинадиган одам тўлиқ фалаж ҳолатдаги 62 ёшли Ван Хуаньминдир.
Спиридонов айтиб беришича, бошиданоқ операция учун даъвогарлар бир неча киши бўлган. Италиялик нейрожарроҳ турли мамлакатлар ҳукуматларига кўмак сўраб мурожаат қилиб кўрган, аммо фақат Хитой рози бўлган.
Россиялик дастурчи умуртқа поғонасини операция қилишга маблағ йиғиш учун Россиядаги жамғармалардан бирига мурожаат қилди.
«Хайрият, менинг касаллигимда умуртқа поғонасини менда ҳозир бўлганидек, эгилган ҳолатда эмас, балки тўғри ҳолатда тутиб туриш учун пўлат стерженни имплантация қилиш бўйича операция ўтказиш имконияти мавжуд… Албатта, у мушаклар мустаҳкамлигини қайтармайди ва юриш имкониятини бермайди, аммо ҳаёт сифати кескин тарзда яхши томонга ўзгаради», — деди Спиридонов.
Изоҳ (0)