Исроил собиқ бош вазири, 71 ёшли Эҳуд Олмерт кўксидаги оғриқлар туфайли қамоқхонадан касалхонага ўтказилди. Бу ҳақда The Jerusalem Post хабар бермоқда.
Олмертни кўздан кечирган шифокорлар юрак хуружи эҳтимолини рад этди. Шундай бўлса-да, унинг охирги пайтда ориқлаб кетганини инобатга олиб, қўшимча таҳлиллар белгиланди.
Исроилни 2006-2009 йилларда бошқарган Олмерт Қуддус мэри бўлиб турганда «Холиленд» мажмуасини қурган компаниядан пора олганликда айбдор деб топилганди.
У дастлаб 6 йил қамоқ жазосига ҳукм қилинди, апелляциядан сўнг бу муддат 19 ойгача келтирилди. Олмерт 2016 йил 15 февралидан Рамладаги «Маасиягу» қамоқхонасида жазосини ўтай бошлади. Жорий йил 29 июнда уни муддатидан олдин шартли равишда озод этиш масаласи кўриб чиқилади.
Изоҳ (0)