Қирғизистон собиқ бош вазири, «Оқ шунқор» партияси етакчиси Темир Сариев мамлакат президентлигига номзод сифатида илгари сурилди. Бу ҳақда партия сиёсий кенгаши мутасаддилари маълум қилди, дея хабар беради «ТАСС».
«Сариевнинг номзоди съезд давомида барча минтақалардан келган делегатлар томонидан деярли бир овоздан илгари сурилди. Бошқа номзодлар кўриб ҳам чиқилмади. Яқин орада Сариевни расман давлат раҳбарлигига номзод сифатида расман рўйхатдан ўтказиш учун кўзда тутилган барча ҳужжатлар Марказий сайлов комиссиясига топширилади», — деди кенгаш вакиллари.
Темир Сариев 2015—2016 йилларда Қирғизистон бош вазири лавозимида ишлаган ва мамлакатнинг Евроосиё иқтисодий иттифоқига аъзо бўлиб киришида жонбозлик кўрсатганди.
Эслатиб ўтамиз, Қирғизистон президенти сайлови шу йил 15 октябрга белгиланган.
Изоҳ (0)