Туркиянинг Turkish Airlines авиакомпанияси йўловчисини рейсдан олиб қолиш ва Буюк Британиядан депорт қилиб юборишдан олдин Лондоннинг Хитроу аэропортидаги самолёт бортида дўппослашди. Можаронинг видеосини Ахтзаз Али ўзининг Facebook’даги саҳифасига жойлади.
Ўша рейс билан Истанбулга учаётган саёҳатчининг сўзларига кўра, ушбу ҳодиса 17 июнь, шанба куни содир бўлган. Парвоздан олдин самолёт бортига кўринишидан Британия иммиграцион хизмати ходимига ўхшаш эркак кўтарилган, дея аниқлик киритди Daily Mail.
Ушбу одам афғонистонлик бўлган йўловчининг юзига бир неча марта урган ва унинг бошини деворга тираган. Бунга жавобан йўловчи ўз ватанига депорт қилиб юборишаётгани, у ерда эса ўзининг ҳаёти хавф остида эканлиги ҳақида бақирган. Алининг эслашича, содир бўлган воқеадан йўловчилар ҳайратга тушган, баъзилар ҳатто йиғлаган.
Британия ИИБ вакилининг маълум қилишича, улар алоҳида ҳолатда депорт қилинаётган воқеаларга изоҳ беришмайди. Шу билан бирга вакил агарда бирор-бир шахс мамлакатда ноқонуний равишда бўлса ва ўз хоҳиши билан уни тарк этишни истамаса, хавфсизлик кучлари керакли чоралар қўлланилишини қўшимча қилди.
Изоҳ (0)