Ёз келиши билан уйда ва ҳовлида чивинларни қандай йўқотиш масаласи жуда актуал бўлиб кетади.
Уйда ёки ҳовлида чивинлардан қутулиш бир томондан қараганда жуда осон кўринади, иккинчи томондан эса – жуда қийин.
Биз сизга ёзда чивинлардан қутулишнинг бир неча усуллари ҳақида айтмоқчимиз:
- Агар ҳар қандай 30-40 мл одеколонга 5-10 томчи қалампир мунчоқ ёки арпабодиён ёғини ёки валерянка томчиларини қўшсангиз, ҳимоя қилиш кучи 0,5-1 соатга етадиган репеллент воситасига эга бўласиз.
- Хона ёки палатка ичига чивинлар ва пашшалар кирмаслиги учун иссиқ нарсанинг устига бироз ўткир ҳидли тез тарқалувчи модда – камфара қуйинг. Унинг буғлари учадиган ҳашаротларни қўрқитиб юборади.
- Лимон ўт, цитронелла ва лаванда – чивинларни йўқотишда ёрдам берувчи ажойиб воситалар ҳисобланади. Жонга тегувчи ҳашаротларни қўрқитиш учун ҳовлига ёки балконга бу хушбўй ўсимликларни экишингиз мумкин.
- Яна бир ғалати усул – сув солинган полиэтилен пакетлар. Уларни хона ичига илиб қўйсангиз нафақат чивинлар, балки пашшалар ҳам қочади.
- Чивинлар билан курашишда саримсоқ ҳам самарали восита ҳисобланади. Айтишларича, чивинларни уларнинг таркибидаги одамдан тер орқали ажралиб чиқадиган моддалар қўрқитар экан. Саримсоқли таомларни ейишингиз шарт эмас, уларнинг ўрнига саримсоқ таблеткаларидан фойдалансангиз ҳам бўлади.
- Чивинлар чақишидан қандай қутулиш мумкин? Ҳашаротлар чақиши натижасида қичишишни йўқотиш учун тери устини нашатир спирти ёки истеъмол содаси эритмаси (бир пиёла сувга 0,5 ч. қ.) билан артинг.
Изоҳ (0)