Кўпчилик қизларни сақлаш муддати ўтган крем ёки лаб бўёғидан фойдаланса нима бўлади, деган савол қизиқтиради.
Очилгандан кейинги сақлаш муддати
Кўпчилик косметика воситалари қутиси устида махсус белги бор — очиқ банка тасвири, унинг ичида эса рақам ва М ҳарфи. Рақам восита очилгандан кейин неча ой фойдаланиш мумкинлигини билдиради. Албатта, бу қатъий қоида бўлмаса ҳам, ҳар ҳолда бу муддатни ҳисобга олиш фойдали.Маҳсулот бузилганини қандай аниқлаш мумкин?
Агар маҳсулотнинг ранги, тузилиши ёки ҳиди ўзгарган бўлса ва терида ёқимсиз ҳолат сезилса ёки унинг усти моғорлаган бўлса демак бу уни ташлаш вақти келганининг белгиси бўлади.Қуриб қолган тушни сувда эритишга уринманг, уни дарров ташлаб юборинг. Сув — бактериялар ривожланиши учун мукаммал муҳит ҳисобланади.
Косметикадан қанча вақт фойдаланиш мумкин?
Мутахассислар косметика воситаларининг сақланиш муддати тўғрисида қуйидаги тавсияларни берадилар:Декоратив косметика воситалари
- Туш ва подводка — 3–4 ой.
- Суюқ ёки кремли тонал асослар ва консилерлар — 6 ойдан бир йилгача.
- Упалар (ёғупа, бронзерлар, тенлар) — 2–3 йил.
- Помадалар, қаламлар ва лаб учун ялтироқлар — 2–3 йил.
Парваришлаш воситалари
- Тониклар — 6 ойдан бир йилгача.
- Намлантирувчи кремлар ва зардоблар — 6 ойдан бир йилгача.
- Тозаловчи воситалар — бир йил.
- АHА- ва BHА-кислотали воситалар — бир йил.
- Лаб учун бальзамлар — бир йил.
Севимли воситаларингизнинг хизмат қилиш муддатини узайтиришга ёрдам берувчи бир неча қоидалар:
- Косметика воситаларини ваннахонада ва совутгичда сақламанг.
- Маҳсулотларни юзингизга суришдан олдин албатта қўлларингизни ювинг.
- Ҳар фойдаланишдан кейин қопқоғини маҳкам ёпинг.
- Маҳсулотларни қуёш нури тушадиган жойда, масалан дераза токчасида сақламанг.
- Битта маҳсулотдан бир неча киши фойдаланиши мумкин эмас.
Изоҳ (0)