Мақолада сифатли портрет суратлар ва селфилар тушириш бўйича асосий сирларни очиб берамиз. Бу маслаҳатлардан фойдалансангиз, Instagram’даги фотосуратларингиз янада кўпроқ «лайк» тўплайди.
Тўғридан-тўғри қуёш нуридан қочинг
Акс ҳолда, юзингизда соялар пайдо бўлиб, суратни бузади. Суратга тушиш учун энг яхши шароит — булутли кун. Агар қуёш чарақлаб турган бўлса, сояда суратга олинг.Мос бўлган фонни топинг
Фоннинг нейтрал ёки ёрқин бўлиши ўз дидингизга ҳавола. Асосийси, орқа томонда ҳеч қанақа тартибсизлик бўлмаслиги керак. Яхшиси, кўчага чиқинг ва дарахтлар ёки қизиқарли бино қаршисида суратга тушинг.Такрорлашдан чўчиманг
Ижтимоий тармоқдаги саҳифангизда янгиликлар тасмасида чиқиб келадиган суратларни кузатиб боринг. Ноодатий ракурсдан олинган, қизиқарли фони бўлган суратларни кўз остингизга олиб қўйинг ва ўзингизга ёққан расмларни қайта яратишга уриниб кўринг.Таймер қўйинг
Сизни суратга тушириш учун ҳеч ким бўлмаса, ишни ўз қўлингизга олинг. Масалан, телефон камерасини таймерга қўйинг ёки махсус пульт сотиб олинг. Истисноли ҳолатларда ўткинчилардан ёрдам сўранг.Кўп сурат олинг
Бошловчилар учун олтин қоида: қанчалик кўп бўлса, шунчалик яхши. Иложи борича кўпроқ сурат туширинг, ҳатто битта ракурсдан бўлса ҳам. Бу суратларнинг бирортаси сизга ёқиши аниқ.Кўзларингиз ёниб турсин
Суратга олиш вақтида кўздаги нурларни кадрга муҳрлашга интилинг ва расмга ишлов беришда уларга урғу беринг.Устки ва пастки қовоқларингиз ўртасига бироз хайлайтер суринг, шунда нигоҳларингиз янада очилади.
Зўр берманг
Сунъийлик кўзга ташланади. Ўзингизни бемалол тутинг ва кўпроқ ҳаракатланинг. Шунда фотосуратлар жонлироқ ва қизиқарлироқ чиқади.Ёрқин урғулар қўшинг
Масалан, шляпа, кўзга ташланадиган зирак ёки қип-қизил помада. Урғулар зарур қиёфани яратишда ёрдам беради ва фотосуратга эътиборни тортади.Манба: «Лайфхакер»
Изоҳ (0)