Сиз аҳамияти тўғрисида ўйлаб кўрмаган 5 та одатий буюм

Жуда оддий нарсалар, масалан кедалардаги тешикчалар ва духовка тагидаги қутиларнинг ҳам сиз ҳатто ўйлаб кўрмаган ўз вазифалари бор.

1. Шароб солинган идишларнинг тагидаги чуқурлик

Бутилканинг оғзи тиқин билан маҳкамланганда, тагида ва деворларида кучли босим пайдо бўлади. Идишнинг тагидаги чуқурлик уни бир хил тақсимлашга имкон беради ва шу сабабли бутилка ёрилиб кетмайди.

2. Кедалар ёнбошидаги тешикчалар

«Шамоллатиш учун» деган жавобдан ташқари бошқа тахминлар ҳам мавжуд. Гап шундаки, Converse All Stars оёқ кийимлари бошида баскетболчилар учун ишлаб чиқарилган. Кедалар иплари  бу қўшимча тешикчалар орқали ўтказилиб боғланар эди. Шу туфайли оёқ кийим маҳкам туради.

3. Спагетти учун қошиқдаги тешик

Бу тешиклар қанча спагетти пиширишни ўйлаб бошингиз қотмаслиги учун қилинган. Унинг ичига қанча спагетти жойлашса, ўша битта одам учун мўлжалланган порция ҳисобланади.

4. Шимлардаги чизиқлар

Ҳозир улар классик услубдаги шимларнинг зарур ажралмас қисмига айланган бўлса-да, лекин уларни ҳеч ким атайлаб ўйлаб топмаган. Гап шундаки, XIX асрда кўпчилик кийим тикувчи фабрикалар маҳсулотларини экспорт учун ишлаб чиқаришган. Юклар иложи борича камроқ жойни эгаллаши учун жўнатишдан олдин кийимлар прессланган. Натижада матолар устида кетказиш қийин бўлган чизиқлар пайдо бўлган.

5. Духовка тагидаги қути

Одатда унинг ичида товалар сақланади. Аслида бу қути иситувчи деб айтилади. У духовкада овқат пишаётганда тайёр овқатлар совиб қолмаслиги ёки исиб туриши учун керак бўлиши назарда тутиб қилинган.

Манба: «Лайфхакер»