Amazon онлайн ритейлери соғлом овқат сотувчи супермаркетлар тармоғига эгалик қилувчи Whole Foods Market компаниясини сотиб олди. Бу ҳақда «Газета.ru» хабар бермоқда.
Шартноманинг умумий қиймати 13,7 миллиард долларни ташкил қилди.
Айни пайтда WFM АҚШда, Канадада ва Буюк Британияда 460 дан ортиқ дўконга эга. Келишув шартларига биноан, компания дўконларни бошқаришда, бутун дунёдан текширилган етказувчилардан маҳсулот сотиб олишда давом этади.
Forbes миллиардерлар рейтингига кўра, ушбу компания сотиб олинганидан сўнг Amazon асосчиси ва раҳбари Жефф Безос 2,8 миллиард долларга бойиди.
Amazon’нинг биржадаги акциялари нархи ошиши билан Безоснинг бойлиги ҳам 2,4 фоизга ёки 2,89 миллиард долларга ошди. Айни пайтда унинг умумий давлати 84,4 миллиард долларга баҳоланмоқда. У рейтингда иккинчи ўринни эгаллаб турибди.
Изоҳ (0)