Россия президенти Владимир Путин унинг катта бойлиги борлиги ҳақидаги гапларни рад этди. Бу ҳақда у америкалик режиссёр Оливер Стоунга берган интервьюсида айтиб ўтди, деб ёзади «Газета.ru».
Режиссёр Путин «дунёдаги энг бадавлат одам» эканлиги ҳақидаги миш-мишларга эътибор қаратди.
«Менда гапираётганлари каби бойлик йўқ», — деб жавоб қилди президент.
«Бойлик — катта бахт деб ўйламайман. Ҳозирги инқироз шароитида бу активларни нима қилиш, уларни қандай жамғариш, қаерга жойлаштириш ҳақида ташвишланаётган бўлардингиз, бу фақат бош оғриғини келтириб чиқаради, холос. Сиз ҳисобида катта пул бўлган одамлардан кўра анча бойроқ кишисиз. Сизнинг ўз фикрингиз бор, истеъдодингиз бор, сизда уни намоён қилиш имконияти бор, ўзингиздан кейин сезиларли натижа қолдириш имкониятингиз бор. Пул сизга бундай бахтни бермайди», — деди давлат раҳбари.
Путин «тобутда ҳамён йўқлиги, пулни одам ўзи билан олиб кета олмаслиги»ни қўшиб қўйди.
Изоҳ (0)