Теҳронда содир этилган терактлар ташкилотчиси эканлиги гумон этилган шахс йўқ қилинди. Бу ҳақда 10 июнь, шанба куни давлат телевидениеси эфирида Эрон разведка ва миллий хавфсизлик вазири Маҳмуд Алавий маълум қилди, деб хабар беради «Интерфакс».
Маҳмуд Алавий гумон қилинувчининг исми-шарифи ва ўлими тафсилотларини ошкор этмади.
Вазирга кўра, Эронга иттифоқдош давлатлардан бирининг разведка хизмати расмийлар билан ҳамкорлик қилди. Мазкур ҳужумга алоқадорликда гумон қилиниб, 40 нафардан ортиқ киши ҳибсга олинди.
7 июнь куни Эрон парламенти ва оятуллоҳ Ҳумайний мақбарасига уюштирилган ҳужумлар оқибатида жами 17 киши ҳалок бўлди, 50 дан ортиқ киши жароҳатланди.
Бу мамлакатдаги ИШИД жавобгарликни зиммасига олган илк терактлар бўлди. Расмийлар уларни мазкур гуруҳга мансуб беш нафар эронлик амалга оширганини билдирди.
Изоҳ (0)