Deutsche Bank америкалик 5 нафар демократ-конгрессменга президент Трамп ва унинг оила аъзоларига берилган кредитларга Россия алоқадорлиги ҳақидаги маълумотларни тақдим этишдан бош тортди. Банк АҚШнинг шахсий манбалар муҳофазаси ҳақидаги қонунларини рўкач қилди, дея хабар беради «ТАСС».
«Deutsche Bank Конгресс ва суд сир сақланадиган ахборот муҳофазаси учун белгилаган чегараларни ҳурмат қилиши зарурлигини тушунасиз, деган умиддамиз», — дейилади банкнинг конгрессменларга жавобида.
АҚШ Конгресси вакиллар палатаси молиявий хизматлар қўмитасининг 5 нафар демократ аъзоси 23 май куни Deutsche Bank офисига Трамп ҳисоб-рақамларидаги ҳаракатларга оид маълумотларни тақдим этиш сўралган мактуб йўллаганди.
Reuters маълумотларига кўра, конгрессменлар Россия ҳукумати чиндан ҳам Трампнинг кўчмас мулк операциялари учун банк ажратадиган кредитларга кафил бўлганига аниқлик киритишни сўраган.
Изоҳ (0)