Покистон расмийлари Қатарга ҳарбий контингент жўнатишга қарор қилди. Бу ҳақда «Вестник Кавказа» хабар берди.
Қатарда мамлакатнинг 20 мингдан ортиқ ҳарбий хизматчиси жойлаштирилиши режалаштирилмоқда.
Мазкур қарор Туркия шундай йўл тутганидан сўнг, Исломобод ва Анқара ўртасида ҳарбий соҳадаги келишув доирасида қабул қилингани билдирилмоқда.
Маълумот учун, Туркия президенти Ражаб Тоййиб Эрдўғон Қатарга турк ҳарбий хизматчиларини жўнатиш ҳақидаги қонун ва Қатар ҳамда Туркия ўртасида ҳарбийларни ўқитиш бўйича икки томонлама келишувни имзолади. Ушбу ҳужжатлар Туркия парламенти томонидан ратификация қилинди.
Изоҳ (0)