Венесуэла прокуратураси мамлакатдаги намойишлар чоғида 67 киши ҳалок бўлганини билдирди. Бу ҳақда «РИА Новости» хабар бермоқда.
Шу тариқа Венесуэла алоқа ва ахборот вазири Эрнесто Вильегаснинг қурбонлар сони 80 кишига етганлиги ҳақидаги маълумоти рад этилди.
Прокуратура вакилларига кўра, ҳалок бўлганлар сони 67 кишини, жароҳатланганлар эса 1,3 мингдан ошиқроқни ташкил этмоқда.
Яқин орада намойишчиларга нисбатан талончиликда гумон қилинган 6 нафар полиция зобити суд олдида жавоб беради.
Изоҳ (0)