Хитойга 12—15 май кунлари расмий ташриф билан сафар қилган Ўзбекистон Президенти Шавкат Мирзиёев Хитой сармоядорлари ва йирик компаниялари билан учрашар экан, Huawei’нинг ёш истеъдодлар таълимига ва профессионал ривожига қўшаётган ҳиссасига алоҳида урғу берди.
Бизга маълумки, Huawei дунёнинг етакчи ахборот ва телекоммуникация компанияси бўлиб, мамлакатимизда инновацион лойиҳаларни мувафақиятли намойиш қилиб келмоқда.Бунинг исботи тариқасида, Хитойда бўлиб ўтган «Бир макон, бир йўл» форуми доирасида Huawei компанияси Тошкент ахборот технологиялар университетидан 10 нафар ёш истеъдодларни Хитойга тажриба алмашиш учун олиб борганини таъкидлаш жоиз. Ўзбекистонлик талабалар «Бир макон, бир йўл» форумининг сессиясиларидан бирида чиқиш қилиб, Huawei’нинг «Келажак ниҳоллари» («Seeds for the Future») асосий таълим дастурини таништирди. Мазкур дастур икки ҳафта давомида Пекин ва Шэньчжэнь шаҳарларида ташкил этилди.Албатта, биз компаниянинг Ўзбекистонда мобил операторлар тармоғини кенгайтиришда, ‘Электрон таълим’ лойиҳаларини ўтказишда ва АКТ йўналишида ёш истеъдодларни қўллаб-қувватлаётганини таъкидлашимиз лозим.
Ҳозирда Ўзбекистондаги Huawei марказида 400 дан зиёд мутахассис фаолият юритмоқда. Кейинги йилгача уларнинг сони 1000 нафар кишига ортишини ҳоҳлаймиз. Чунки биз учун энг муҳими — ёш кадрларга таълим бериш ва уларни ривожлантиришдир.
Шавкат Мирзиёев, Ўзбекистон Президенти
2014 йилда биз Тошкент ахборот технологиялар университети билан 5 йиллик ҳамкорлик дастурини имзолаган эдик. Бу ҳамкорлик дастурига кўра, ҳар йили Хитойга Ўзбекистондан 10 нафар талаба олиб кетилади. Уларга АКТ соҳасидаги замонавий билимлар берилади.«Келажак ниҳоллари» лойиҳаси ўзбекистонлик талабаларга мобил интернет ва телекоммуникация технологиялари борасидаги тушунча ва қарашларини кенгайтириш учун яхши имконият ҳисобланади. Бунда «IoT», «5G тармоғи», «Кибер хавфсизлик», «Тармоқ ҳавфсизлиги» ва бошқа йўналишлар борасида амалий кўникмалар берилади.Танланган талабалар бир ҳафта давомида Пекинда бўлади. Улар бу ерда Хитой маданияти, тарихи ва тилини ўрганиш имконига эга бўлади. Иккинчи ҳафтада ўзбекистонлик талабалар Huawei бош қароргоҳи жойлашган Шэньчжэнь шаҳрига ташриф буюради. Қароргоҳ марказида улар компаниямизнинг дунё бозорларида намойиш қилаётган hi-tech ва инновацияларимиз билан яқиндан танишиш имконига эга бўлади.
Ишончим комил, бу курслар ўзбекистонлик ёш истеъдодларни янги ғоялар ва лойиҳалар яратишга ундайди. Ўз навбатида, Ўзбекистонда ахборот ва коммуникация технологиялари соҳаси ривожига ўз ҳиссамизни қўшишга ҳаракат қиламиз.
Ван Пэнь, Huawei’нинг Ўзбекистондаги ваколатхонаси раҳбари
«Бир макон, бир йўл» форуми давомида Ўзбекистон талабалари «Келажак ниҳоллари» лойиҳаси яратаётган имкониятлар ҳақида фикр алмашди ва Ўзбекистонни ҳудудда жадал ривожланаётган мамлакат сифатида намоён қилди.
Таъкидлаш жоизки, 2016 йилда Huawei ва Тошкент ахборот технологиялар университети ҳамкорликда Huawei’нинг расмий ахборот ва тармоқ академияси ҳисобланган HAINA лойиҳасини ишга туширган эди. Мазкур академия ўзига хос тренинг маркази сифатида юзлаб талаба ва мутахассисларни «Маршрутизация ва коммутация йўналишлари» бўйича қайта тайёрлаши кўзда тутилган. Айтиш жоизки, бундай мутахассисларга Ўзбекистоннинг ахборот технологиялар ва телекоммуникация бозорида талаб жуда катта.
Реклама ҳуқуқи асосида
Изоҳ (0)