«Ақлли кўзойнаклар» кўриш қобилиятини йўқотган эркакка ўз тўйини томоша қилиш имконини берди

Канаданинг eSight компанияси Нью-Хемпширда истиқомат қилувчи, кўриш қобилиятининг бузилишидан азият чекувчи Эндрю Эйрига ўз тўйини томоша қилиш имкониятини яратиб берди, деб хабар қилди TJournal.

Компания дастурчилари эркакка «ақлли кўзойнаклар»ни тақдим этди. Шундан сўнг, Эндрюнинг яқинлар тўй маросимини 15 йил аввалгидек ташкиллаштиришди.

Эндрюнинг сўзларига кўра, у кўриш қобилиятининг пастлиги сабаб ўз тўйини кўра олмаган. Эйри 15 йилдан сўнггина унинг учун ташкиллаштирилган тўй маросимини eSight «ақлли кўзойнаклари» ёрдамида кўришга муваффақ бўлди.

Қурилма камераси атрофни суратга олади ва Эндрюнинг кўзи олдидаги унчалик катта бўлмаган LED-экранига тасвирни узатади. Тасвирнинг тиниқлиги қурилмадаги линзалар ёрдамида тўғриланади.

eSight дастури 2013 йилда Торонтода ишга туширилган. Қурилманинг баҳоси 10 минг долларни ташкил этади.