2020 йилгача бутун Европа бўйлаб бепул Wi-Fi ишга тушади

Еврокомиссия, Европарламент ва Евроиттифоқ Кенгаши WiFi4EU лойиҳасини ишга туширишга қарор қилди, деб ёзади Afisha Daily.

Унинг доирасида бепул Wi-Fi’ли нуқталар Евроиттифоқдаги истироҳат боғлари ва бошқа жамоатчилик жойларига ўрнатилади. Икки йил давомида дастурни амалга оширишга 120 миллион евро ажратилади. Маблағ ускуналарни қарийб 8 мингта аҳоли пунктига ўрнатиш учун ишлатилади.

Европа комиссияси вице-президенти Андрус Ансип сўзларига кўра, WiFi4EU ташаббуси интернет алоқаси чекланган ҳудудларда алоқани яхшилашга қаратилган бўлиб, бутун Евроиттифоқ ҳудудида юқори тезликли алоқага эришиш йўлидаги биринчи қадамдир.