Эрон парламентида отишма содир бўлиши оқибатида камида икки киши жароҳат олди. Бу ҳақда Эрон агентликларига таяниб, Meduza хабар берди.
Tasnim агентлигининг хабарига кўра, мажлисга уч нафар одам ҳужум уюштирган. «Форс» ва «Меҳр» агентликлари бино ҳудудига ҳужум қилиб қўриқчиларга қарата ўқ очган шахс ҳақида ёзмоқда.
Агентликларнинг Telegram каналларида хабар берилишича, ҳужум уюштирган шахс қўриқчилардан бирининг оёғидан жароҳатлаган ва воқеа жойидан беркинган.
«Интерфакс» эса Эрон телевидениесига таяниб, Теҳрон жанубида жойлашган имом Хумайний мақбараси олдида ҳам отишма содир бўлгани ҳақида маълуб қилди. Бу ҳудудда ҳам жабрланганлар бор.
Изоҳ (0)