OAV Eron parlamentida otishma bo‘lganini ma’lum qildi

Eron parlamentida otishma sodir bo‘lishi oqibatida kamida ikki kishi jarohat oldi. Bu haqda Eron agentliklariga tayanib, Meduza xabar berdi.

Tasnim agentligining xabariga ko‘ra, majlisga uch nafar odam hujum uyushtirgan. “Fors” va “Mehr” agentliklari bino hududiga hujum qilib qo‘riqchilarga qarata o‘q ochgan shaxs haqida yozmoqda.

Agentliklarning Telegram kanallarida xabar berilishicha, hujum uyushtirgan shaxs qo‘riqchilardan birining oyog‘idan jarohatlagan va voqea joyidan berkingan.

“Interfaks” esa Eron televideniyesiga tayanib, Tehron janubida joylashgan imom Xumayniy maqbarasi oldida ham otishma sodir bo‘lgani haqida ma’lub qildi. Bu hududda ham jabrlanganlar bor.