Саудия Арабистони муносабатлар нормаллашуви учун Қатар олдига ўнта шарт қўйди ва уларни бажариш учун 6 июнь, сешанба куни кечқурундан бошлаб 24 соат муҳлат берди, деб ёзади «РИА Новости» Саудия янгиликлар порталига таяниб.
Илгари сурилган шартлар орасида Эрон билан алоқаларни зудлик билан узиш, «Мусулмон биродарлар» ва ҲАМAС ҳаракатларининг барча аъзоларини қувиб чиқариш, уларнинг банклардаги ҳисобларини музлатиб қўйиш ва ушбу гуруҳлар билан ҳар қандай ҳамкорликка нуқта қўйиш каби бандлар бор.
Бундан ташқари, Саудия Арабистони Қатардан Доҳадан узатиладиган «Ал-Жазира» сунъий йўлдошли телеканали сиёсатини зудлик билан ўзгартириш ҳамда канал фаолияти Форс кўрфази ва араб дунёси мамлакатлари манфаатларига зид бўлмаслиги учун унинг маъмуриятини ўзгартиришни талаб қилди.
Изоҳ (0)