Узун ва қуюқ киприклар — ҳар бир қизнинг кўнглидаги орзуси. Чиройли қуюқ ва қалин қошларга эга бўлиш учун биз катта маблағимиз ва қимматли вақтимизни киприк ўстиришга ва яхши туш излашга сарф қиламиз. Лекин макияжнинг қуюқ ва чиройли киприклар яратишда ёрдам берувчи ўз сирлари ва усуллари мавжуд.
Сотиб олишдан олдин тушнинг таркибига эътибор беринг. Агар таркибида глицерин ва ипак экстракти бўлса, у ҳолда бу туш ҳақиқий қуюқ ва қалин киприклар ярата олади.
Тушни суришда киприк устида юмалоқчалар пайдо бўлмаслиги учун чўткадаги тушнинг ортиқчасини қоғоз салфетка ёрдамида олиб ташлашни тавсия қиламиз.
Киприк устига туш суришдан олдин уларни тарашни маслаҳат берамиз. Бу усул киприклар ёпишиб қолишига йўл қўймайди ва уларнинг ҳар доим қуюқ бўлиб туришига ёрдам беради.
Киприкларга ҳажм қўшиш учун туш солинган идиш бироз исиши ва восита зичлиги бир хилда бўлиши учун уни бир дақиқа давомида илиқ сув ичида тутиб туришни маслаҳат берамиз.
Киприклар узоқ вақт жингалак бўлиб туриши учун жингалак қилувчи қисқичларни фен ёки иссиқ сув ёрдамида бироз қиздиришни таклиф қиламиз.
Киприкларни ички ва ташқи томонлардан бўянг. Бундай усул ёрдамида улар янада ҳажмли ва қуюқ бўлади.
Тушнинг биринчи қатламини сурганингиздан кейин киприклар устига чўткача ёрдамида илдизидан учигача юпқа қатламда болалар упасидан сепинг. Кейин упа излари кўринмаслиги учун уларнинг устидан яна бир қатлам туш суринг.
Манба: «Wclub.ru»
Изоҳ (0)