Истеъмол содаси сизга нафақат ошхонада хизмат қилади — у сизнинг гўзаллигингизни сақлаб турувчи ажойиб хусусиятга ҳам эга.
Тер ҳидига қарши
Истеъмол содасини камроқ сув билан паста ҳолига келгунча аралаштиринг, аралашмани қўлтиқ ости соҳасига дезодорант сифатида суринг. У тер ва ҳид пайдо бўлишининг олдини олади.
Шампунь билан
Сочлар вақти-вақти билан унга суриладиган косметик воситалардан тозалашга муҳтож бўлади. Шампунга бироз миқдорда сода қўшинг ва уни одатдагидек ишлатинг. Бу сочларда тўпланиб қолган косметик воситалардан тозалайди ва уларга олдинги гўзаллигини қайтаришга ёрдам беради.
Тишларни оқартириш учун
Оқартирувчи восита учун унчалик катта бўлмаган идишда бир ош қошиқ сода, 5 томчи водород пероксиди ва бир неча томчи сувни аралаштиринг. Аралашмани тиш чўткаси ёрдамида тишларга суринг ва 5 дақиқа қолдиринг. Кейин тишларингизни тиш пастаси ёрдамида тозаланг ва оғзингизни яхшилаб чайқанг. Яхши самара бериши учун бу жараённи бир ҳафтада бир марта такрорланг.
Тирноқ атрофи териси учун
Истеъмол содасини илиқ сув билан аралаштиринг ва бу пастани тирноқ атрофига суринг. Аралашманинг қолганини қўлларингиз терисига суришингиз мумкин.
Терини тозалаш учун
Истеъмол содаси жуда ажойиб табиий тозаловчи восита ҳисобланади. Кафтингизда бироз сода ва сувни аралаштиринг ва бу аралашма билан юзингизни ишқаланг. Тезда теридаги ўлик ҳужайралар тушади ва сиз тозаловчи кимёвий косметик воситалардан фойдаланишдан қутуласиз.
Сода қуруқ шампунь сифатида
Агар қуруқ шампунингиз тамом бўлиб қолган бўлса, унинг ўрнига бемалол сода ишлацангиз бўлади. Сочларингизга бироз сода сепинг ва кейин уларни таранг.
Манба: «Woman.ru»
Изоҳ (0)