Териси ёғлилар қариганда ажинлари унчалик билинмайди дейишади. Агар сиз 60 дан ошган бўлсангиз бу ёқимли албатта. Лекин ҳали анча ёш бўлсангиз, унда теридаги ортиқча ялтироқлик билан курашиш муҳимроқ.
Агар терингиз ёғли бўлса, бунга ёрдам берувчи бир неча халқона табиий воситалар тўғрисида айтмоқчимиз:
Олма сиркаси
Бу ажойиб восита ҳамма нарсада – қазғоқни кетказишдан тортиб носоғлом иштаҳани пасайтиришгача фойдаланилади. Олма циркаси нафақат тешикчаларга қисқартирувчи таъсир қилади, балки бактериялар чақирадиган тошмаларда ёрдам берувчи антимикроб хусусиятларига ҳам эга. 3:1 миқдорда сув билан аралаштирилган бундай тоник терини тозалайди ва таранглаштиради.Алоэ
Табиий зарарсизлантирувчи ва таранглаштирувчи восита – алоэ гели тошмаларда ва терининг юқори даражали ёғлилигида ёрдам бериши мумкин. Уни ювингандан сўнг суриш керак. Олма циркаси каби алоэ ҳам терини тозалайди ва таранглаштиради. Алоэ ёғли ялтирашни бир кун ичида бутунлай кетказмайди, лекин ёғлиликни анча камайтиради.Лавандали сув
Лавандали сув яллиғланишга қарши хусусиятга эга ва теридан ортиқча ёғларни эҳтиётлик билан олади. Агар сиз лаванда ҳидини яхши кўрсангиз бу восита сизга ёқади, агар ёқмаса – бошқа бирортасини синаб кўринг.Атиргул суви
Атиргул суви – териси ёғли кишилар учун ҳақиқий совға: у теридан ортиқча ёғларни олиб ташлаш билан бирга намлантирувчи таъсир ҳам қилади. Уни макияжни бузиб қўйишидан қўрқмасдан, аэрозоль шаклда куннинг ярмида ҳам суриш мумкин – атиргул суви теридаги ёқимсиз ялтирашни олади ва терига тез сингиб кетади.Жожоба ёғи
Ҳатто ёғли терига ҳам намлантирувчи керак. Жожоба ёғи тузилиши жиҳатидан табиий тери ёғини эслатади ва тери юзасида ушланиб қолмайди. Жожоба ёғини яхшиси ухлашдан олдин ювингандан сўнг сурган маъқул. Ёғлиликни эртаси куниёқ енгишга унчалик ёрдам бермайди, лекин терини анча юмшатади.Хулоса
Воситаларни бирга қўшиб ишлатиш энг яхши натижа беради масалан, юзга эрталаб алоэ, кун давомида атиргул суви ва ухлашдан олдинги кечки ювинишдан сўнг жожоба ёғи суриш.Манба: «Zdorovie.com»
Изоҳ (0)