Қоматни қумсоат шаклига ўхшатиш жуда қийин. Лекин машқларга ва овқатланишга алоҳида эътибор қаратилса, барча қийинчиликларни енгиш мумкин!
Бел айланаси қандай бўлиши керак?
Энг асосийси бел, тос ва кўкрак бир-бирига мутаносиб кўриниши лозим. Бўйингиз узунлигидан 100 ни айириб ташланг, қолгани сизга бел учун ўртача ўлчам ҳисобланади. Яъни, агар бўйингиз 165 сантиметрни ташкил қилса, сиз учун 65 сантиметр узунликдаги бел айланаси оптимал ҳисобланади.Бел айланаси узунлиги тўғридан-тўғри организмдаги аёллар гормонлари миқдорига боғлиқ. Улар қоматнинг гўзаллиги ва хушбичимлигига жавоб беради. Хипча бел учун курашишни бошлашдан олдин мутахассисга учрашиш халал бермайди.
Ингичка бел учун машқлар
Белни хипча қилиш учун ўнлаб машқлар мавжуд, машқ дастурини аниқлаб олиш учун уларни ўзингизда синаб кўринг.Айниқса, массажли пуфаклари бўлган хулахуп (обруч) белни хушбичим қилишда энг оддий ва самарали асбоб ҳисобланади. Обручни ҳар куни ва камида ярим соат айлантиришни тавсия қиламиз.
Ёнбошга ётиб оёқларни кўтариш. Машқларни ўзингизга қулай бўлган ҳар қандай жойда бажаришингиз мумкин, бу машқлар қисқа вақт ичида белни ингичка қилишда ёрдам беради. Ҳар бир томон учун 10—15 мартадан такрорлаш лозим бўлади.
Юриш. Унинг фойдасига шубҳа йўқ. Белни чиройли қилиш учун кўп ва мамнуният билан юриш керак. Жадалроқ суръат ўрнатинг, шундагина сиз саноқли кунлар ичида қорин ва биқиндаги ёғларни кетказишингиз мумкин! Ярим соат ёки ундан ҳам кўпроқ вақт давомида юришни — бир ҳафтада 3—5 мартагача тажрибада синаб кўришингиз керак.
Бел соҳаси озиши учун нималар ейиш керак?
Биринчи маҳсулот: қайнатилган, димланган ёки духовкада пиширилган гўшт. Бундай овқат тез ва узоқ вақтгача тўқ тутади, организмни керакли миқдорда оқсиллар билан таъминлайди.Иккинчи маҳсулот: зайтун ёғи. Зайтун ёғи саломатликни сақлаш ва умрни узайтириш учун зарур бўлган кўплаб хусусиятларга эга. Бундан ташқари у организмдаги холестерин миқдорини бошқаради ва ёғ тўқималарининг бел соҳасида тўпланишига йўл қўймайди.
Учинчи маҳсулот: цитруслилар. Мандарин, апелсин, лимон, грейпфрутлар… Ҳамма цитруслилар қорин мушагини мустаҳкамлаш хусусиятига эгадир. Уларни бир ҳафтада 2—3 марта меъёрида истеъмол қилиш тавсия қилинади.
Тўртинчи маҳсулот: буғдойнинг қаттиқ навларидан қилинган нон маҳсулотлари ёки лапша. Улар организмни клетчатка ва турли хил витаминлар билан таъминлайди.
Манба: «Zdorovie.com»
Изоҳ (0)