Сочларни плойкада жингалак қилишда йўл қўйиладиган хатолар

Бирор-бир тантанали тадбир олдидан сочларингизни жингалак қилишга тўғри келиб қолса ва натижаси кутганингиздек чиқмаса, бундан ҳам ёмонроғи бўлмаса керак. Бундай англашилмовчиликлар юз бермаслиги ва плойка ёрдамида сочларингизга мукаммал кўриниш бериш учун бизнинг маслаҳатларимизга амал қилинг.

1-хато: Сочларнинг жингалак қилишга тайёр эмаслиги

Жингалаклар чиройли чиқиши учун аввало сочларни унга тайёрлаш керак — ва бу энг муҳим қадам ҳисобланади. Сочларингизга уларни юқори ҳароратдан сақлайдиган восита суринг ва фен ёрдамида тўлиқ қуритинг.

2-хато: Сочларни нотўғри йўналишда жингалак қилиш

Қайси томонга жингалак қилишни билиш учун олдин сочларингизни тутамларга ажратинг. Сочларга табиий кўриниш бериш учун, уларни ҳар доим юзингизга қарама-қарши томон йўналиши бўйича жингалак қилинг.

3-хато: Сочларни эмас плойкани бураш

Сочларингиз табиий кўриниши учун, плойканинг иссиқ томонини пастга қаратинг ва унга сочларингизни илдизидан бошлаб ўранг. Бу сочларнинг ўз шаклини узоқроқ вақт ушлаб туришига ва илдизларига каттароқ ҳажм беришга ёрдам беради.

4-хато: Ҳаддан ташқари кенг плойкадан фойдаланиш

Диаметри 2,5 см бўлган плойканинг имкониятлари кенг плойканикидан кўра каттароқдир. Жингалаклар бемалол ва эркин туришини хоҳласангиз, унга кўпроқ сочларни ўранг.

5-хато: Сифатсиз плойка сотиб олиш

Агар сиз сочларингизни мунтазам равишда жингалак қилсангиз, қизийдиган қисми керамикали бўлган яхшироқ плойка олганингиз маъқул. Стилистлар жингалаклар бир текисда чиқиши учун қистиргичи бўлмаган плойка танлашни маслаҳат берадилар.

6-хато: Сочларни плойка билан кўпроқ қиздириб юбориш

Плойка жуда кучли қизиб кетиши мумкин. Агар сочларингиз ингичка ва нозик бўлса — плойкани юқори ҳароратгача қиздириб юборманг ва сочларингизни плойка устида 2-3 сониядан ортиқ ушламанг.

Манба: «Woman.ru»