Вақт ўтиши билан мушаклар заифлашади. Ҳар қанча парваришласа ҳам олдинги хушбичимлик ҳолатини йўқотади. 25 ёшдан ошган ҳар бир қиз бу жараённинг биринчи белгиларини сеза бошлайди. Лекин, маълум бўлишича юз мушакларини ҳам чиниқтиш мумкин экан.
Машҳур йўналиш – фейсбилдинг ҳар қандай ёшда ҳам ёшлик ва гўзалликни сақлаб қолишга имкон берувчи машқлар тўплами ҳисобланади. Бу жуда осон машқлар учун бир кунда бир-икки дақиқа вақтингизни ажратсангиз, ботокс ва пластика тўғрисида унутиб қўясиз.
- Иложи борича кўзларингизни каттароқ очинг. Бу машқни бир неча марта такрорланг. Бу кўз қорачиғи соҳасидаги мушаклар фаоллигини оширади ва кўз атрофида майда ажинлар пайдо бўлишининг олдини олади.
- Бармоқларингизни кўзнинг ташқи бурчагига текизинг. Қовоқларингизни таранглаштиринг. Бўшаштиринг ва машқни яна такрорланг. Сиз бу соҳадаги ажинлар тўғрисида бутунлай унутасиз!
- Қошларингизни бармоқларингиз билан ушланг ва уларнинг қаршилигига қарамасдан пешана мушакларини фаоллаштиришга ҳаракат қилинг. Бирор нарсага қаттиқ ҳайрон қолган пайтдаги ўз мимикангизни эсланг ва қошларингизни кўтаринг. Ажойиб тарзда мимик ажинларнинг олдини олади!
- Бармоқларингизни оғиз бурчакларига қўйинг ва жилмайинг. Кейин юзингиз мушакларини қулоқларгача таранглаштиринг. Бўшаштиринг ва машқни такрорланг. Ёноқларингиз гўзаллиги кафолатланади!
- Оғзингизни очинг, пастки жағингизни олдинга чиқаринг, лабларингиз билан О ҳарфини чизинг, бўйин мушакларини таранглаштиринг. Мунтазам равишда такрорлаш натижасида юз шакли хипчалашади.
- Мўштларингизни иягингиз тагига қўйинг ва оғзингизни очишга ҳаракат қилинг. Жағингизни таранглаштиринг ва қўлларингиз қаршилигини енгиб улар устига босинг. Бундай ҳаракат сизда бағбақалар пайдо бўлишининг олдини олади.
- Лабларингизни тишлар орасига сиқинг, кейин эса оғиз бурчакларини юқорига тортинг. Бу юқори лаб устидаги терини текислайди.
Манба: «Хитрости жизни»
Изоҳ (0)