Россия президенти Владимир Путин Франциянинг Le Figaro газетасига берган интервьюсида 2018 йилги президент сайловларида қатнашиш-қатнашмаслиги борасида ҳали бир қарорга келмаганини маълум қилди, деб ёзади «Газета.ru».
Интервью сўнгида Путиндан Россиядаги сайлов кампаниялари, шунингдек, ўзининг президент сайловларида номзодини илгари суриш режалари ҳақида сўрашди.
«Номзодларга келсак, бу ҳақда гапиришга ҳали эрта», — деди Россия етакчиси.
Шу билан бирга, Путин Россиядаги охирги сайлов кампаниялари Конституцияга қатъиян мувофиқ равишда бўлиб ўтганини таъкидлади ва 2018 йилги сайлов ҳам шу тарзда ўтишини таъминлашга бор кучи билан ҳаракат қилишини айтди.
Изоҳ (0)