Технологиялар бўйича машҳур Tom’s Guide нашри таҳлилчилари томонидан тузилган навбатдаги рейтингда 2025 йилнинг энг яхши смартфонлари эълон қилинди. Баҳолаш давомида қурилмаларнинг умумий ишлаш самарадорлиги, камера сифати ва автоном ишлаш муддати асосий мезон сифатида қаралди. Экспертлар таъкидлашича, рейтингда илгари сурилган ҳеч бир модел функсионаллик ва техник имкониятлар жиҳатидан Samsung Galaxy S25 Ultra билан тенглаша олмайди.
Мазкур модел 6,9 дюймли AMOLED дисплей, энг янги Snapdragon 8 Elite чипи ва тўрт датчикли профессионал камера тизими билан жиҳозланган. Қурилма мутахассислар томонидан “2025 йилнинг энг илғор флагман смартфони” сифатида эътироф этилди. Шу билан бирга, Galaxy S25 Ultra’нинг камчиликлари сифатида унинг баланд нархи ва Қи2 симсиз қувватлаш технологиясини қўллаб-қувватламаслиги алоҳида қайд этилди.
Рейтингда иккинчи ўринни Apple iPhone 16 Pro Max эгаллади. Ушбу қурилма iOS тизимидаги энг яхши смартфон сифатида тан олинди. Модель Super Retina XDR OLED дисплей, юқори унумдорликка эга А18 Pro процессори ва тасвир сифати бўйича профессионал камераси билан ажралиб туради. Таҳлилчилар iPhone 16 Pro Max’нинг камчиликларига қувватлаш тезлигининг сустлиги ва сунъий интеллект функцияларининг тўлиқ жорий этилмаганини киритган.
Учинчи ўринни эгаллаган Google Pixel 9 Pro эса сунъий интеллект имкониятларининг кенглиги билан ажралиб туради. Бироқ у умумий ишлаш тезлиги ва батарея хизмат давомийлиги бўйича рақобатчиларидан бир оз ортда қолди. Шунга қарамай, 4 700 мА/соат сиғимдаги аккумулятор ва самарали Tensor G4 чипи ёрдамида қурилма синов давомида 13 соат 30 дақиқа ишлашга муваффақ бўлган.
Рейтингнинг тўртинчи поғонасини Google Pixel 9а, бешинчи ўрнини эса OnePlus 13 эгаллади. Экспертлар OnePlus 13 моделини нарх ва сифат даражасига кўра Android флагманлари орасида энг оптимал танлов деб ҳисобламоқда.
Бундан ташқари, Томъс Гуиде нашри тузган рўйхатдаги кучли ўнталикка қуйидаги смартфонлар ҳам киритилган:
iPhone 16
Nothing Phone 3а Pro
Samsung Galaxy S25
Motorola RazrUltra
Samsung Galaxy S25 Edge
Изоҳ (0)