Rossiya prezidenti Vladimir Putin Fransiyaning Le Figaro gazetasiga bergan intervyusida 2018-yilgi prezident saylovlarida qatnashish-qatnashmasligi borasida hali bir qarorga kelmaganini ma’lum qildi, deb yozadi “Gazeta.ru”.
Intervyu so‘ngida Putindan Rossiyadagi saylov kampaniyalari, shuningdek, o‘zining prezident saylovlarida nomzodini ilgari surish rejalari haqida so‘rashdi.
“Nomzodlarga kelsak, bu haqda gapirishga hali erta”, — dedi Rossiya yetakchisi.
Shu bilan birga, Putin Rossiyadagi oxirgi saylov kampaniyalari Konstitutsiyaga qat’iyan muvofiq ravishda bo‘lib o‘tganini ta’kidladi va 2018-yilgi saylov ham shu tarzda o‘tishini ta’minlashga bor kuchi bilan harakat qilishini aytdi.
Izoh (0)