АҚШ президенти Дональд Трамп давлатлар етакчиларини у билан мобил телефон орқали боғланишга чақирмоқда, деб ёзади «ТАСС». Бу ҳақда AP Америка маъмуриятининг вазиятдан хабардор амалдаги ва собиқ вакилларига таяниб хабар берди.
Уларнинг маълумотларига кўра, мобил телефон орқали суҳбатлашиш таклифи билан у камида Мексика президенти Энрике Пенья Ньето ва Канада бош вазири Жастин Трюдога мурожаат қилган, Трюдо бундай имкониятдан фойдаланиб ҳам кўрган.
AP қайд этишича, бундай амалиёт «нафақат дипломатик протоколга зид, балки АҚШ қуролли кучлари бош қўмондони музокаралари хавфсизлигини ҳам шубҳа остига қўяди».
Франция ҳукуматининг аноним вакили айтишича, Трамп Франция президенти Эммануэль Макронга ҳам ўз рақамини берган.
Оқ уй ҳам, Трюдо канцелярияси ҳам ушбу ахборотга расмий изоҳ беришдан бош тортди.
Изоҳ (0)