Наманган шаҳридаги Бобур номли маданият ва истироҳат боғида 57-анъанавий гул байрами бошланди. Бу ҳақда «Дарё»га Наманган шаҳар ҳокимлиги ахборот хизмати маълум қилди.
Намангандаги тадбир халқаро байрам тусини олди дейиш мумкин. Унда Франция, Бельгия, Голландия, Жанубий Корея, Озарбайжон, Қирғизистондан келган меҳмонлар, вилоятда фаолият кўрсатаётган хорижий компаниялари вакиллари иштирок этмоқда.
Шунингдек, деярли барча вилоятлардан меҳмонлар, ҳудудларни ободонлаштиришга масъул мутасаддилар келган.
Тадбир давомида турли кўнгилочар дастурлар, гулчиларнинг кўргазмалари, дизайнерларнинг гуллардан ясаган композициялари, адабий-бадиий тадбирлар ва маҳаллий ҳунармандлар маҳсулотлари намойиши аҳолига байрам кайфиятини улашади.
57-анъанавий гул байрами 5 кун давом этади.
Изоҳ (0)