Қашқадарё вилоятидаги «Лочин» оромгоҳида «Камалак» болалар ташкилоти сардорларининг XVI Республика анжумани ўз ишини якунлади. Бу ҳақда «Дарё»га анжуман матбуот хизмати вакили Ҳожиакбар Паттаев маълум қилди.
Ёпилиш маросимида «Бунёдкор» ЁТК ижодий жамоаси томонидан тайёрланган «Анжуман 2017» номли видеофильм намойиш этилди. Анжуман доирасида ўтказилган Республика танловларининг ғолиблари тақдирланди.
Жумладан, «Йил сардори» танловида 1-ўринни Қарши шаҳар «Камалак» сардори Маржона Жўрақулова эгаллади. «Энг намунали ҳудудий сардорлар кенгаши» сифатида Фарғона вилояти сардорлар кенгаши эътироф этилди. «Энг намунали ‘Камалак’ болалар ташкилоти» танловида ғолиблик Поп тумани болалар ташкилотига насиб этди.
Ғолиб ва совриндорларга дипломлар ҳамда эсдалик совғалари топширилди.
Анжуманнинг кўтаринки тарзда ва савияли ташкил этишда муносиб ҳисса қўшган ҳамкор ташкилот вакиллари ва Қашқадарё вилоят ҳокимлигига ташаккурномалар тақдим этилди.
Изоҳ (0)