Namangan shahridagi Bobur nomli madaniyat va istirohat bog‘ida 57-an’anaviy gul bayrami boshlandi. Bu haqda “Daryo”ga Namangan shahar hokimligi axborot xizmati ma’lum qildi.
Namangandagi tadbir xalqaro bayram tusini oldi deyish mumkin. Unda Fransiya, Belgiya, Gollandiya, Janubiy Koreya, Ozarbayjon, Qirg‘izistondan kelgan mehmonlar, viloyatda faoliyat ko‘rsatayotgan xorijiy kompaniyalari vakillari ishtirok etmoqda.
Shuningdek, deyarli barcha viloyatlardan mehmonlar, hududlarni obodonlashtirishga mas’ul mutasaddilar kelgan.
Tadbir davomida turli ko‘ngilochar dasturlar, gulchilarning ko‘rgazmalari, dizaynerlarning gullardan yasagan kompozitsiyalari, adabiy-badiiy tadbirlar va mahalliy hunarmandlar mahsulotlari namoyishi aholiga bayram kayfiyatini ulashadi.
57-an’anaviy gul bayrami 5 kun davom etadi.
Izoh (0)