Эквадор собиқ президенти Рафаэль Корреа янги давлат раҳбари Ленин Моренонинг лавозимга киришиш маросимини ўзини ёмон ҳис этгани учун муддатидан аввал тарк этишга мажбур бўлди. Бу ҳақда «ТАСС» хабар берди.
Ҳукмрон «Альянс ПAИС» ижрочи котиби Габриэла Риваденейрага кўра, шифокорлар сиёсатчини касалхонага ётқизишга қарор қилди.
«Тиббий кўрик натижасида унда зотилжам аниқланди. У ҳолати яхшиланмагунча касалхонада қолади», — дея маълум қилди Габриэла Риваденейра.
Тиббий ёрдам учун мурожаат этишдан аввал Корреа ўзининг ворисига Эквадор миллий байроғи рангларида тайёрланган президентлик тасмасини топширишга улгурди.
Эслатиб ўтамиз, олдинроқ мазкур маросимда Аргентина президенти Маурисио Макрининг мазаси қочганлиги ҳақида хабар берилганди.
Изоҳ (0)