Оқ уй тақдим қилган узоқ муддатли бюджет режаси 2027 йилга бюджет танқислигига дуч келмасдан кириб боришни мўлжал қилган, деб хабар берди «РБК».
Бунга ўн йил давомида умумий харажатларни 3,56 триллион долларга қисқартириш, шунингдек, ўша давр мобайнида 2,06 триллион доллар қўшимча даромадлар ҳисобига эришилади. Трамп жамоаси шу усулда 5,63 триллион миқдордаги бюджет танқислигини қисқартиришни режалаштирмоқда.
2,06 триллион доллар — бу тахмин қилинган жамғарма Трампнинг молиявий сиёсатини, жумладан ваъда қилинган солиқларни қисқартириш сиёсатига рағбат тарзида «иқтисоднинг жавоб реакция таъсири» бўлади. Бошқача қилиб айтганда маъмуриятнинг башорат қилишича, бюджет сиёсати ўзгармаганида бюджет даромади ўн йил ичида 2 триллион долларга ортиши мумкин бўларди.
Шу билан бирга америкалик амалдорларнинг айтишича, ҳалигача тафсилотлари очиқланмаган солиқ ислоҳотининг бюджетга таъсири бўлмайди, яъни солиқ ставкаларни қисқартириш оқибатида юзага келган йўқотишлар, келгусида иқтисоднинг кўтарилиши натижасида солиқ тушумларининг ортиши ҳисобида зарарнинг ўрни қопланади.
The Wall Street Journal нашрининг ёзишича, ушбу солиқ ислоҳоти Трамп маслаҳатчисининг сўзларига қарама-қарши равишда бюджет даромадларига деярли ҳеч қандай таъсир кўрсатмайди. Иқтисоднинг тезлашиши оқибатида юзага келган солиқ даромадларининг ошиши нафақат ставкаларни камайтириш орқали юзага келган зарарни қоплайди, балки ғазнага қўшимча 2 триллион доллар фойда ҳам келтиради.
АҚШ собиқ молия вазири Лоуренс Саммерс тахмин қилишича, ҳукумат ҳисоб-китоблари «бошланғич иқтисод фани бўйича талабага имтиҳонда қониқарсиз баҳо қўйиш мумкин бўлган мантиқий хато» асосида қурилган. Унинг сўзларига кўра, бу худди компанияга инвестиция киритиб даромад олишдек, бироқ даромадни ҳисоблаётганда киритилган инвестиция қийматини ҳисобга олмасликдек гап. «Президент Трампнинг бюджети 2 триллион долларлик математик хатодан иборат», — дея сарлавҳа келтиради Time нашри.
Изоҳ (0)