Apple’нинг капиталлашуви 2019 йилга бориб 1 триллион доллардан ошиши мумкин

Apple корпорациясининг капиталлашуви iPhone 8’га смартфонига бўлган талабнинг юқори бўлиши кутилаётганлиги ва акцияларини қайта сотиб олиш жараёнинг давом этаётгани шарофатига 12—18 ойдан сўнг 1 триллион доллардан ошиши мумкин. Бу ҳақда RBC Capital таҳлилчиси Амид Дарьянани маълум қилди, деб хабар берди Insider Pro.

Компания акцияларнинг мақсадли нархини 157 доллардан 168 долларгача кўтарди.

Шунингдек, Дарьянани 2019-молиявий йилида акциялар даромади 12 долларга ортади, акциянинг қиймати эса 192—195 долларга чиқиб, ҳозирги даражасидан 25—27 фоизга кўтарилишини башорат қилмоқда.

Дарьянанининг баҳолашича, янги iPhone 8’ни ҳам ҳисобга олганда ўртача савдо нархи 800 долларни ташкил қилади, 2017-молиявий йилда эса 666 долларни ташкил этган.

Компания маълумотларига кўра, 21 апрелга қадар муомалада 5,21 миллиард долларлик акциялар мавжуд бўлган. Акцияларнинг 192 долларли қиймат даражаси капиталлашувнинг 1 триллион доллардан ошишини кўрсатади, 195 долларли нархда эса 1,02 триллион долларни ташкил этади.

Йил бошидан бери Apple акциялари 33 фоизга ошди.

Бироқ Apple акцияларни сотиб олишда йилига 35 миллиард доллар сарфлайдиган бўлса, 2019 молиявий йил давомида муомаладаги акциялар қиймати 400—500 миллионга камаяди.