Sony Pictures Entertainment компанияси «Ўргимчак одам: уйга қайтиш» фильмининг янги трейлерларини эълон қилди. Бу ҳақда Meduza хабар бермоқда.
Ушбу суперқаҳрамон ҳақидаги янги фильм сюжети «Биринчи қасоскор: фуқаролик уруши» фильмидаги воқеалардан сўнг бўлиб ўтади. Юқори синфда ўқийдиган Питер Паркер радиоактив ўргимчак томонидан тишлаб олинганидан сўнг ғаройиб хислатларга эга бўлади. У суперқаҳрамонга айланишида машҳур Темир одам — миллиардер Тони Старк ёрдам беради. Улар биргаликда Ўлаксахўр исмли душман устидан ғалаба қозонади.
Фильмда Том Холланд, Кичик Роберт Дауни, Майкл Китон ва Зендея Коулман иштирок этди. Фильм режиссёри — Жон Уоттс.
Фильм июль ойида катта экранларга узатилади.
Изоҳ (0)