«Ҳаёт давом этар» номли саундтрек «Яна маҳаллада дув-дув гап» фильми учун махсус куйланган бўлиб, куни кеча мазкур видеонинг премьераси бўлиб ўтди., деб ёзади «Darakchi.uz».
Dono Productions кинокомпанияси томонидан тақдим этилган маълумотларга кўра, саундтрек сўзлари Шоира Ғиёсовага, мусиқаси Шуҳрат Зокировга тегишли.
Шуҳрат Аббосов режиссёрлигида 6 ой суратга олинган «Яна маҳаллада дув-дув гап» фильми сценарийси 5 йил давомида ёзилган. Кинокартина постановкачи режиссёрлари Шуҳрат ва Нозим Аббосовлар.
Кинофильм Фарғона вилояти (Фарғона, Марғилон, Қўқон шаҳарлари, Риштон, Ўзбекистон туманлари) ва Тошкент шаҳрида тасвирга олинган бўлиб, унда 100 га яқин персонаж қатнашган.
Фильм премьераси яқин кунларда бўлиб ўтиши режалаштирилган.
Изоҳ (0)