Sony Pictures Entertainment kompaniyasi “O‘rgimchak odam: uyga qaytish” filmining yangi treylerlarini e’lon qildi. Bu haqda Meduza xabar bermoqda.
Ushbu superqahramon haqidagi yangi film syujeti “Birinchi qasoskor: fuqarolik urushi” filmidagi voqealardan so‘ng bo‘lib o‘tadi. Yuqori sinfda o‘qiydigan Piter Parker radioaktiv o‘rgimchak tomonidan tishlab olinganidan so‘ng g‘aroyib xislatlarga ega bo‘ladi. U superqahramonga aylanishida mashhur Temir odam — milliarder Toni Stark yordam beradi. Ular birgalikda O‘laksaxo‘r ismli dushman ustidan g‘alaba qozonadi.
Filmda Tom Xolland, Kichik Robert Dauni, Maykl Kiton va Zendeya Koulman ishtirok etdi. Film rejissori — Jon Uotts.
Film iyul oyida katta ekranlarga uzatiladi.
Izoh (0)