Сурия ҳарбий-ҳаво кучлари АҚШ шу йил апрель ойида зарба берган Хомс вилоятидаги Шайрат авиабазасига қирувчи самолётлари ва шахсий таркибини қайтаришни бошлади. Бу ҳақда «ТАСС» хабар бермоқда.
NBC телекомпаниясининг АҚШ мудофаа вазирлигидаги манбаларига кўра, сурияликлар авиабазадаги тиклаш ишларини қисман якунлади.
Бу ерга охирги кунлар мобайнида Сурия ҲҲКнинг бир неча Су-22 ва МиГ-23 қирувчиси келтирилди. Яқин орада улар яна парвозларини бошлаши билдирилмоқда.
Изоҳ (0)