Канаданинг Альберта провинцияси, Лесбриж шаҳрида яшовчи Лиза Сеймур-Питерс мамлакат бош вазири Жастин Трюдонинг турмуш ўртоғи — Софи Грегуар Трюдога нисбатан таҳдид қилгани учун қамоққа олинди. Бу ҳақда «ТАСС» хабар бермоқда.
Мамлакат полицияси 49 ёшли аёл Канада ҳукумати раҳбари рафиқасига қай тарзда ва қайси интернет майдонда таҳдид қилганига аниқлик киритмади.
Лиза Сеймур-Питерсга айблов эълон қилишга улгурилди. У Софи Грегуар ва унинг оиласига 100 метрдан яқинроқ келмаслик ва сиёсий ҳамда бошқа йиғилишларда иштирок этмаслик шарти билан судга қадар қўйиб юборилди.
Сеймур-Питерс 12 май куни, интернетдаги чиқишининг эртасига ҳибсга олингани билдирилмоқда. Бу иш бўйича биринчи муҳокама 8 июнь куни ўтказилиши режалаштирилган.
Изоҳ (0)