Бугун, 24 май куни Литвага Норвегия контингентининг ҳарбий ва маъмурий техникаси етиб келади. Улар НАТО батальони жанговар гуруҳи таркибида хизмат қилади. Бу ҳақда BNS агентлиги хабар бермоқда, деб ёзади «Корреспондент.net».
Олтмишга яқин техника, жумладан, Leopard танклари, CV 90 қуруқликдаги қўшинлар жанговар машиналари, турли модификациядаги БТР M113, жанговар ва енгил транспорт воситалари етказилиши кутилмоқда.
Норвегия ҳарбий техникаси денгиз орқали Клайпеда портига етказилади. Норвегия контингентининг биринчи гуруҳи аллақачон Литвага етиб келган. Норвегия армиясининг бутун контингенти Литвага май ойида етиб келиши режалаштирилмоқда.
НАТО батальони таркибида 200 га яқин норвегиялик ҳарбий хизмат қилади.
Ҳозирги пайтда НАТОнинг Литвадаги батальони жанговар гуруҳи таркибида 450 дан ортиқ германиялик, юз нафар бельгиялик, 250 нафар голландиялик ҳарбий бор.
Изоҳ (0)