Morgan компаниясининг Morgan Aero 8 спорткари учиш майдончасида биплан (қанотлари устма-уст қилиб ишланган қоʻш қанотли самолёт) билан беллашди. Пойга Лестерширдаги Брантингторп аэродромида бўлиб ўтди ва ушбу пойга тасвирга олинган видеоролик автомобиль ишлаб чиқарувчи компаниянинг YouTube’даги каналига жойлаштирилди, деб хабар берди «Мотор».
Пойгада Morgan Aero 8 спорткари ва Pitts 2S2 биплани ўзаро беллашди. Спорткарни ушбу автомобиль бош дизайнери Жон Уэллс, бипланни эса собиқ ҳарбий учувчи, ҳозирда каскадёрлик билан шуғулланадиган, ўзининг самолётида турли аэрошоулар намойиш этадиган Ричард Гудвин бошқарди.
Биплан ҳажми 8,5 литрли 300 от кучига эга двигатель билан жиҳозланган, Aero 8 эса BMW томонидан ишлаб чиқарилган 372 от кучигача кўтарила оладиган 4,8 литрли атмосфера двигателига эга.
Изоҳ (0)