Ўзининг Алексей Навальнийга қаратилган видеомурожаатини миллиардер Алишер Усмонов мухолифатчига нисбатан даъво бўйича суд мажлисига тўғрилаган. Бу ҳақда бизнесменнинг вакили «РБК» нашрига маълум қилди.
«Усмонов — Навальний берган саволларга жавоб қилишга ва жамоатчиликка Навальний жуда кўп ёлғон гапириши ёки кўзбўямачилик қилишини кўрсатиб беришга тайёр бўлган камдан-кам одамлардан бири», — деди у.
«РБК»нинг миллиардерга яқин манбаси айтишича, роликни Усмонов ўзининг Dilbar яхтасида, штативга ўрнатилган iPhone 7 Plus орқали ёзиб олган. Суратга олиш ишлари яхтада бўлиб ўтганини Навальний ўз кўрсатувида тасдиқлади.
Ушбу мурожаат Усмонов томонидан ўз ташаббуси билан ва ҳукумат билан келишувсиз ёзиб олинган. Бу ҳақда нашрга федерал мансабдор маълум қилди. Шу билан бирга, миллиардер апрель ўртасида Навальнийга қарши берган даъво Кремль билан келишилган эди.
Аввалроқ мухолифатчи Алексей Навальний интернетга тадбиркор Алишер Усмоновга қаратилган видеомурожаатни жойлаб, уни дебатда иштирок этишга чақирган эди.
Изоҳ (0)