Буюк Британиядаги ўқувчиларнинг катта қисми мамлакат бош вазири Тереза Мэй мактабларни молиялаштиришни қисқартиришни режалаштираётгани сабабли бепул тушликсиз қолиши мумкин. Бу ҳақда «Газета.ru» хабар бермоқда.
Independent нашрига кўра, бош вазирни тушлик овқатларни 11 ёшгача бўлган барча болалар учун бепул нонушта билан алмаштириш режаси туфайли «мактаб тушликлари ўғриси» деб аташмоқда.
Мазкур режа танқидчилари бепул тушликлар миллионлаб қашшоқ оилага маблағ тежашга ёрдам бергани, ҳукумат учун анча арзон тушадиган нонушталар эса ўқувчиларнинг камроқ сонини қамраб олишини билдирмоқда.
Изоҳ (0)