Бразилия Олий суди Эдсон Факин коррупцияда гумон қилинаётган мамлакат президенти Мишель Темерга қарши жиноий иш очишга рухсат берди. Бу ҳақда Globo телеканалига таяниб, «ТАСС» хабар бермоқда.
Олий судга тегишли сўров мамлакат Бош прокуратураси томонидан юборилганди. Шу тариқа, Темер расман коррупцияда айбланувчига айланди.
Бразилия қонунчилигига кўра, давлат раҳбари жиноий таъқибдан қисман дахлсизликка эга, шу боис унга нисбатан текширув фақат Олий суд инстанцияси санкцияси билан бошланиши мумкин.
Бразилиялик тадбиркорлар ака-ука Жоэсли ва Уэсли Батиста Олий судга Темер собиқ президент Дилма Руссефга импичмент эълон қилиниши ташаббускори бўлган парламент қуйи палатаси собиқ спикери Эдуарду Куняни гўё пора эвазига ўзига ағдариб олишни сўраган видеоёзувни топширди. Телеканалга кўра, пуллар «Кунянинг сукутини сотиб олиш учун» мўлжалланган.
Мишель Темернинг ўзи бу айбловларни рад этмоқда.
Изоҳ (0)